ಭಟ್ಕಳ, ನವೆಂಬರ್ 15: ಭಟ್ಕಳ ಪುರಸಭೆ ೫ನೇ ವಾರ್ಡಿನ ನೂತನ ಸದಸ್ಯರಾಗಿ ನ್ಯಾಯವಾದಿ ವಿಕ್ಟರ್ ಗೋಮ್ಸ ಆಯ್ಕೆಯಾಗಿದ್ದಾರೆ. ಈ ಕ್ಷೇತ್ರಕ್ಕೆ ಸಲ್ಲಿಸಲಾದ ಏಕೈಕ ನಾಮಪತ್ರ ಇದಾಗಿದ್ದು, ಶುಕ್ರವಾರ ಅವರ ಆಯ್ಕೆಯನ್ನು ಅಧಿಕೃವಾಗಿ ಘೋಷಿಸಲಾಗಿದೆ.
ಹಾಲಿ ಅಧ್ಯಕ್ಷ ಪರ್ವೇಜ್ ಕಾಶೀಮ್ ಜಿ ಈ ಕ್ಷೇತ್ರದಿಂದಲೂ ಆಯ್ಕೆಯಾದ ಕಾರಣ, ಅವರ ರಾಜಿನಾಮೆಯಿಂದ ತೆರವಾದ ಸ್ಥಾನಕ್ಕೆ ಚುನಾವಣೆ ಅನಿವಾರ್ಯವಾಗಿದ್ದನ್ನಿಲ್ಲಿ ಸ್ಮರಿಸಿಕೊಳ್ಳಬಹುದು. ಅಕ್ಷರ ದಾಸೋಹ ಸಹಾಯಕ ನಿರ್ದೇಶಕ ಪಿ.ಜೆ.ಫರ್ನಾಂಡೀಸ್ ಚುನಾವಣಾ ಅಧಿಕಾರಿಯಾಗಿ ಕಾರ್ಯವನ್ನು ನಿರ್ವಹಿಸಿದರು.