ಕುಮಟಾ : ಕೂಲಿ ಕೆಲಸಕ್ಕೆ ತೆರಳಿದ್ದ ಮಹಿಳೆಯೋರ್ವಳು ವಿದ್ಯುತ್ ಸ್ಪರ್ಶದಿಂದ ಸಾವನ್ನಪ್ಪಿದ ಘಟನೆ ಕುಮಟಾ ತಾಲೂಕಿನ ಹರಕಡೆ ಗ್ರಾಮದಲ್ಲಿ ನಡೆದಿದೆ.

ಸುಶೀಲಾ ಕೊಂ ಶಿವು ಅಂಬಿಗ (65) ಮೃತ ದುರ್ದೈವಿ. ಶುಕ್ರವಾರ ಬೆಳಿಗ್ಗೆ ಥಾಮರ್ಸ್ ಸಾವೇರಾ ಫರ್ನಾಂಡಿಸ್ ಅವರ ಮನೆಯಲ್ಲಿ ಕೂಲಿ ಕೆಲಸಕ್ಕೆ ಮಾಡಿ ಮಧ್ಯಾಹ್ನ ಮನೆಗೆ  ವಾಪಸ್ ಬರುತ್ತಿದ್ದರು.   ಅಘನಾಶಿನಿ ನದಿಯ ಹತ್ತಿರ ಅಂತೋನಿ ಬಸ್ತಾವ್ಯ ಫರ್ನಾಂಡಿಸ್ ಇವರ ತೋಟದ ಬೇಲಿಗೆ ಆಕಸ್ಮಿಕವಾಗಿ ಕೈ ತಗುಲಿ ವಿದ್ಯುತ್ ಸ್ಪರ್ಶಿಸಿದೆ. ಪರಿಣಾಮವಾಗಿ ಮೃತಪಟ್ಟಿದ್ದಾರೆ.

ಕುಮಟಾ ಪೊಲೀಸ್ ಠಾಣೆಯಲ್ಲಿ ಶಂಕರ ಶಿವು ಅಂಬಿಗ ದೂರು ದಾಖಲಿಸಿದ್ದು  ಮುಂದಿನ ಕಾನೂನು ಕ್ರಮ ಕೈಗೊಳ್ಳಲಾಗಿದೆ.